Vikram Misri : ప్రస్తుతం భారత జాతీయ డిప్యూటీ భద్రతా సలహాదారు (Deputy National Security Advisor) గా ఉన్న విక్రమ్ మిస్రీ (Vikram Misri) ని భారత విదేశాంగ శాఖ కార్యదర్శి (Foreign Secretary) గా నియమించారు. ఈ నియామకానికి కేంద్ర క్యాబినెట్ అప్పాయింట్మెంట్స్ కమిటీ ఆమోదం తెలిపింది. జూలై 15న విక్రమ్ మిస్రీ విదేశాంగ కార్యదర్శిగా బాధ్యతలు స్వీకరించనున్నారు.
ప్రస్తుతం భారత విదేశాంగ కార్యదర్శిగా పనిచేస్తున్న వినయ్ క్వాట్రా (Vinay Kwatra) పదవీకాలం 2024 ఏప్రిల్ 30తో ముగిసింది. ఆయన పదవీకాలాన్ని ఏప్రిల్ 30 నుంచి జూలై 14 వరకు పొడిగిస్తూ కేంద్రం 2024 మార్చి 12 ఉత్తర్వులు జారీ చేసింది. ఆ మేరకు ఆయన జూలై 14 వరకు విదేశాంగ కార్యదర్శిగా కొనసాగనున్నారు. ఆ తర్వాత జూలై 15న మిస్రీ ఆయన నుంచి బాధ్యతలు తీసుకోనున్నారు.
Deputy National Security Advisor Vikram Misri to be the next Foreign Secretary with effect from 15th July pic.twitter.com/9IKQVfmc2S
— ANI (@ANI) June 28, 2024