Delhi High Court : దేశ రాజధాని ఢిల్లీలో ఆమ్ ఆద్మీ పార్టీ (AAP) కార్యాలయం నిర్మాణం కోసం తాత్కాలికంగా భూమి కేటాయించే విషయంపై 10 రోజుల్లోగా నిర్ణయం తీసుకోవాలని ఢిల్లీ హైకోర్టు (Delhi High Court) కేంద్ర ప్రభుత్వాన్ని ఆదేశించింది. అన్ని జాతీయ పార్టీలకు కేటాయించినట్లుగా తమకు కూడా ఢిల్లీలో పార్టీ కార్యాలయం ఏర్పాటు కోసం స్థలం కేటాయించాలని ఆప్ కేంద్రాన్ని కోరుతూ వస్తున్నది.
అయితే కేంద్రం ఆప్ అభ్యర్థనను పెడచెవిన పెడుతుండటంతో విషయం ఢిల్లీ హైకోర్టు దాకా వెళ్లింది. తమకు పార్టీ కార్యాలయం నిర్మాణం కోసం భూమి కేటాయించేలా కేంద్రాన్ని ఆదేశించాలని ఆప్ కోరింది. దాంతో కోర్టు కేంద్రం నుంచి వివరణ కోరగా.. కేంద్రం సమయం పడుతుందని చెప్పింది. దాంతో శాశ్వత స్థలం కేటాయించేవరకు తాత్కాలికంగానైన స్థలం చూపించాలని ఆప్ కోరింది.
ఆప్ పిటిషన్పై ఇవాళ విచారణ జరిపిన ఢిల్లీ హైకోర్టు.. కేంద్రానికి తాజా ఆదేశాలు ఇచ్చింది. వాస్తవానికి కేంద్రం ఈ విషయంలో నిర్ణయం తీసుకోవడానికి నాలుగు వారాల సమయం కావాలని కోరింది. కానీ కోర్టు మాత్రం కేవలం 10 రోజుల సమయం మాత్రమే ఇచ్చింది. కేసు తదుపరి విచారణను జూలై 25 వరకు వాయిదా వేసింది. ఆ రోజు కేంద్రం ఆప్కు తాత్కాలిక స్థలం కేటాయింపుపై నిర్ణయం వెల్లడించాల్సి ఉంటుంది.
Pakistan | అచ్చుగుద్దినట్టు అనుకరిస్తున్నాడు.. పాక్లో యంగ్ బుమ్రా.. వీడియో
SBI | రుణగ్రహీతలకు ఎస్బీఐ షాక్.. వడ్డీరేట్లు 10 బేసిస్ పాయింట్లదాకా పెంపు
Janhvi Kapoor | అమ్మ కోరికను తీరుస్తున్న జాన్వి కపూర్..!