Rajnath Singh : భారత రక్షణ శాఖ మంత్రి (Defence Minister) రాజ్నాథ్ సింగ్ (Rajnath Singh) శుక్రవారం ఉదయం బాంకే బిహారీ ఆలయం (Banke Bihari Temple) లో ప్రత్యేక పూజలు చేశారు. తలకు కాషాయ తలపాగా ధరించి ప్రార్థనల్లో పాల్గొన్నారు. ఈ సందర్భంగా ఆలయ అర్చకులు ఆయనకు వేదమంత్రాలతో ఆశీర్వాదాలు అందించారు. రాజ్నాథ్ వెంట మధుర జిల్లాకు చెందిన బీజేపీ నాయకులు ఉన్నారు.
ఉత్తరప్రదేశ్ రాష్ట్రం మథుర జిల్లాలోని పవిత్ర బృందావన్ నగరంలో ఈ ఆలయం ఉన్నది. బాంకే అంటే ‘వంగి’ అని, బిహారీ అంటే ‘ఆస్వాదించేవాడు’ అని అర్థమట. ఈ ఆలయంలో శ్రీకృష్ణుడు ‘త్రిభంగ భంగిమ’లో (మూడు వంపులతో వంగి) ఉంటాడు కాబట్టి ఆలయానికి ఆ పేరు వచ్చిందట. రాజ్నాథ్ బాంకే బిహారీ ఆలయాన్ని సందర్శించిన దృశ్యాలను కింది వీడియోలో మీరు కూడా చూడవచ్చు.
#WATCH | Uttar Pradesh: Defence Minister Rajnath Singh offered prayers at Banke Bihari Temple in Mathura pic.twitter.com/oZG2JkLNoI
— ANI (@ANI) June 21, 2024