Rajnath Singh | రక్షణ మంత్రి (Defence Minister) రాజ్నాథ్ సింగ్ (Rajnath Singh) ఆసుపత్రి నుంచి డిశ్చార్జ్ అయ్యారు. తీవ్రమైన వెన్ను నొప్పి (back pain)తో రెండు రోజుల క్రితం ఆయన ఢిల్లీ ఎయిమ్స్ (AIIMS Delhi)లో చేరిన విషయం తెలిసిందే. అప్పటి నుంచి చికిత్స పొందిన రాజ్నాథ్ సింగ్.. ఇవాళ డిశ్చార్జ్ అయ్యి ఇంటికి వెళ్లినట్లు ఢిల్లీ ఎయిమ్స్ వైద్యులు శనివారం తెలిపారు.
వెన్ను నొప్పితో బాధపడుతున్న ఆయన గురువారం ఉదయం ఓల్డ్ ప్రైవేట్ వార్డ్ (old private ward)లోని న్యూరో సర్జరీ డిపార్ట్మెంట్లో చేరారు. అప్పటి నుంచి వైద్యుల పర్యవేక్షణలోనే ఉన్నారు. రెండు రోజుల చికిత్స అనంతరం ఆరోగ్యం కుదుట పడటంతో రాజ్నాథ్ సింగ్ను వైద్యులు డిశ్చార్జ్ చేశారు. కాగా, ఇటీవలే జరిగిన సార్వత్రిక ఎన్నికల్లో ఉత్తరప్రదేశ్లోని లఖ్నవూ లోక్సభ నియోజకవర్గం నుంచి ఎంపీగా పోటీ చేసి రాజ్నాథ్ గెలుపొందిన విషయం తెలిసిందే. ప్రస్తుతం మోదీ 3.0 కేబినెట్లో రక్షణ మంత్రిగా బాధ్యతలు చేపట్టారు.
Defence Minister Rajnath Singh has been discharged from the hospital: AIIMS Delhi https://t.co/NkTBORtSAO
— ANI (@ANI) July 13, 2024
Also Read..
Leopard Cub | అగ్రికల్చర్ వర్సిటీ ల్యాబ్లోకి ప్రవేశించిన చిరుత పిల్ల.. VIDEO