న్యూఢిల్లీ, జనవరి 14: ప్రపంచవ్యాప్తంగా వివిధ దేశాలకు చెందిన 2,800 మందికిపైగా రాజకీయ నేతలు, భారత్ నుంచి 60 మంది ప్రముఖులు ప్రపంచ ఆర్థిక వేదిక 54వ వార్షిక సదస్సులో పాల్గొంటున్నారు. స్విట్జర్లాండ్లోని దావోస్లో సోమవారం నుంచి ఈ సదస్సు ప్రారంభం కానుంది. సదస్సుకు భారత్ నుంచి ముగ్గురు కేంద్రమంత్రులు, ముగ్గురు సీఎంలు సహా మొత్తం 100 మందికిపైగా రాజకీయ, పారిశ్రామిక ప్రముఖులు పాల్గొంటున్నారని తెలిసింది. ఐదు రోజులపాటు జరిగే సదస్సులో ప్రపంచ పర్యావరణం, గాజాపై ఇజ్రాయెల్ యుద్ధం, ఉక్రెయిన్ సంక్షోభం, ఆర్థికమాంద్యం..తదితర అంశాలపై ప్రభుత్వ నేతలు, ప్రైవేట్ వ్యక్తులు చర్చలు జరపనున్నారు. మొట్టమొదటిసారిగా దావోస్ సదస్సుకు 90కిపైగా దేశాలకు చెందిన జాతీయ భద్రతా సలహాదారులు హాజరయ్యారు. ఉక్రెయిన్ సంక్షోభానికి శాంతియుత పరిష్కారంపై ఆదివారం చర్చించారు.