Union Budget | (స్పెషల్ టాస్క్ బ్యూరో) హైదరాబాద్, జూలై 24 (నమస్తే తెలంగాణ): టెలికం రంగంలో కీలకంగా భావించే నెట్వర్క్ ఎక్విప్మెంట్ ప్రింటెడ్ సర్క్యూట్ బోర్డ్ అసెంబ్లీ (పీసీబీఏ)పై బేసిక్ కస్టమ్స్ డ్యూటీ (బీసీడీ)ని కేంద్రం 15 శాతానికి పెంచింది.
దీంతో 4జీ, 5జీ నెట్వర్క్ను రోల్ అవుట్ చేసే టెలికం సంస్థలపై అదనపు భారం పడనున్నట్టు చెప్తున్నారు. వొడాఫోన్ ఐడియా, బీఎస్ఎన్ఎల్ వంటి సంస్థలు 5జీ నెట్వర్క్ను రోల్అవుట్ చేయాల్సి ఉంది. పీసీబీఏపై తాజా పెంపుతో ఆయా సంస్థలపై భారం పడుతుందని,అది వినియోగదారులపై ప్రభావం చూపొచ్చని పారిశ్రామికవర్గాలు పేర్కొంటున్నాయి.