ముంబై: కొన్ని కాకులు ఒక బస్సుపై ప్రయాణించాయి. (Crows take bus ride) ఒక యూజర్ ఈ వీడియో క్లిప్ను ఎక్స్లో పోస్ట్ చేశాడు. దీంతో సోషల్ మీడియాలో వైరల్ అయ్యింది. ఈ నేపథ్యంలో నెటిజన్లు ఫన్నీగా కామెంట్లు చేశారు. మహారాష్ట్ర రాజధాని ముంబైలో ఈ సంఘటన జరిగింది. బృహన్ముంబై ఎలక్ట్రిక్ సప్లై అండ్ ట్రాన్స్పోర్ట్ (బెస్ట్) బస్సుపై కొన్ని కాకులు వాలాయి. ఆ బస్సు కదలడంతో దానిపైనే అవి ప్రయాణించాయి. ఈ వీడియో క్లిప్ను ఒక యూజర్ ఎక్స్లో పోస్ట్ చేశాడు. ‘అవి ఎక్కడికి వెళ్తున్నాయి?’ అని క్యాప్షన్ ఇచ్చాడు.
కాగా, కాకులు బస్సుపై ప్రయాణించిన వీడియో క్లిప్ సోషల్ మీడియాలో వైరల్ అయ్యింది. దీంతో నెటిజన్లు ఫన్నీగా స్పందించారు. కాకుల గుంపు ముంబై టూర్కు వెళ్తున్నాయా? అని పలువురు ప్రశ్నించారు. ముంబైలో కాకులు కూడా ప్రజా రవాణాను వినియోగిస్తున్నాయని కొందరు కామెంట్ చేశారు. అలాగే ‘క్రోసెంట్’ ను ఆస్వాదించడానికి ఆ కాకులు వెళ్తున్నాయని, ప్రసిద్ధ ‘క్రో-ఫోర్డ్ మార్కెట్’ వాటి చివరి గమ్యస్థానం కావచ్చని మరి కొందరు చమత్కరించారు.
where are they going pic.twitter.com/cqe1YqkOT3
— k (@krownnist) July 16, 2024