న్యూఢిల్లీ, మే 28: బీజేపీ దాఖలు చేసిన పరువు నష్టం కేసులో ఢిల్లీ మంత్రి, ఆప్ నేత ఆతిశీకి ఢిల్లీ కోర్టు సమన్లు జారీ చేసింది. జూన్ 29న తమ ముందు హాజరు కావాలని ఆదేశించింది. ఆప్ ఎమ్మెల్యేలను కొనుగోలు చేసేందుకు బీజేపీ ప్రయత్నిస్తున్నదని ఆతిశీ చేసిన వ్యాఖ్యలపై బీజేపీ నేత ప్రవీణ్ శంకర్ కపూర్ ఢిల్లీ రౌస్ అవెన్యూ కోర్టులో పరువు నష్టం దావా వేశారు. బీజేపీ చేరాలంటూ ఆ పార్టీ నేతలు తనపై తీవ్ర ఒత్తిడి చేస్తున్నారని, చేరకపోతే ఈడీ అరెస్ట్ చేస్తుందని బెదిరిస్తున్నారని ఆతిశీ గతంలో ఆరోపించారు.