న్యూఢిల్లీ: లోక్సభ ఎన్నికలు సమీపిస్తుండటంతో కాంగ్రెస్ పార్టీ శనివారం సంస్థాగతంగా భారీ మార్పులు చేసింది. అగ్ర నేత ప్రియాంక గాంధీని పార్టీ ప్రధాన కార్యదర్శిగా కొనసాగిస్తూ, యూపీ ఇన్ఛార్జి బాధ్యతల నుంచి తప్పించింది. రాజస్థాన్ మాజీ డిప్యూటీ సీఎం సచిన్ పైలట్కు ఛత్తీస్గఢ్ సారథ్యాన్ని అప్పగించింది.
అసెంబ్లీ ఎన్నికల్లో తెలంగాణ పరిశీలకులుగా వ్యవహరించిన దీపాదాస్ మున్షీకి కేరళ, లక్షద్వీప్తోపాటు తెలంగాణ అదనపు బాధ్యతలు అప్పగించింది. మహారాష్ట్రకు రమేశ్ చెన్నితలను, యూపీకి అవినాష్ పాండేను, కర్ణాటకకు రణదీప్ సింగ్ సుర్జేవాలాను పార్టీ ఇన్ఛార్జిలుగా నియమించింది.