NEET Exam Issue : నీట్ ప్రశ్నాపత్నం లీకేజీ, పరీక్షల నిర్వహణలో లోటుపాట్లు, అవకవతకలను దాచేందుకు ప్రభుత్వం ప్రయత్నిస్తోందని కాంగ్రెస్ ఎంపీ గౌరవ్ గగోయ్ ఆరోపించారు. సుప్రీంకోర్టు ఈ అంశంపై ఇవాళ స్పందించి ప్రభుత్వానికి చురకలు వేసిందని, దేశ ప్రజలు కూడా ఈ అంశాన్ని గమనిస్తున్నారని అన్నారు.
24 లక్షల మంది విద్యార్ధుల భవితవ్యం అగమ్యగోచరంగా మారడాన్ని కాంగ్రెస్ పార్టీ, విపక్ష ఇండియా కూటమి అనుమతించబోదని స్పష్టం చేశారు. మరోవైపు నీట్ పరీక్షల నిర్వహణపై సర్వోన్నత న్యాయస్ధానం కీలక వ్యాఖ్యలు చేసింది. సంబంధిత పిటిషన్లను విచారిస్తూ నీట్ పరీక్ష నిర్వహించిన ఎన్టీఏను మందలించింది.
పరీక్ష నిర్వహణ బాధ్యత గల సంస్థగా.. న్యాయంగా ఉండాలి. తప్పు ఏదైనా జరిగితే, అవును తప్పు జరిగింది.. మేం ఈ చర్యలు తీసుకోబోతున్నాం అని చెప్పాలి. కనీసం అదైనా మీ పనితీరుపై విశ్వాసం కలిగిస్తుంది’ అని న్యాయస్థానం ఎన్టీఏకు హితవు పలికింది. సకాలంలో చర్యలు తీసుకోవాల్సిన అవసరం ఉన్నదని అభిప్రాయపడిన కోర్టు.. తదుపరి విచారణను జూలై 8కు వాయిదా వేసింది.
Read More :