సిమ్లా : హిమాచల్ ప్రదేశ్లో ప్రభుత్వ ఏర్పాటుకు కాంగ్రెస్ సన్నాహాలు ముమ్మరం చేసింది. హిమాచల్ గవర్నర్ రాజేంద్ర విశ్వనాధ్ అర్లేకర్ను శుక్రవారం కాంగ్రెస్ నేతలు కలిసి ప్రభుత్వ ఏర్పాటుకు అనుమతించాలని కోరారు. తమ పార్టీ ఎమ్మెల్యేల వివరాలతో కూడిన లేఖను గవర్నర్కు అందచేశారు.
హిమాచల్ ప్రదేశ్ కాంగ్రెస్ ఇన్చార్జ్ రాజీవ్ శుక్లా, పార్టీ పరిశీలకులు భూపేష్ భఘేల్, బీఎస్ హుడా రాజ్భవన్లో గవర్నర్ను కలిశారు. మరోవైపు కాంగ్రెస్ పార్టీ ఇప్పటివరకూ సీఎం అభ్యర్ధిని ఎంపిక చేయలేదు. సీఎంను ప్రకటించేందుకు పార్టీ పరిశీలకులు ఎమ్మెల్యేలతో సంప్రదింపులు జరుపుతున్నారు.
సీఎం రేసులో మాజీ సీఎం వీరభద్ర సింగ్ సతీమణి, పార్టీ రాష్ట్ర శాఖ చీఫ్ ప్రతిభా సింగ్, సీఎల్పీ మాజీ నేత ముఖేష్ అగ్నిహోత్రి సహా పలువురు నేతలు పోటీలో నిలిచారు. హిమాచల్ ప్రదేశ్ అసెంబ్లీ ఎన్నికల్లో మొత్తం 68 స్దానాలకు కాంగ్రెస్ 40 స్ధానాల్లో విజయం సాధించగా బీజేపీ 25 స్ధానాలకు పరిమితమైంది. మూడు స్ధానాల్లో స్వతంత్ర అభ్యర్ధులు విజయం సాధించారు.