Priyanka Gandhi : డీహైడ్రేషన్, కడుపులో ఇన్ఫెక్షన్తో బాధపడుతూ చికిత్స పొందిన కాంగ్రెస్ నేత ప్రియాంక గాంధీ సోమవారం ఢిల్లీలోని సర్ గంగారాం ఆస్పత్రి నుంచి డిశ్చార్జి అయ్యారు. అనారోగ్య సమస్యతో బాధపడుతుండటంతో కాంగ్రెస్ ఎంపీ రాహుల్ గాంధీ యూపీలో చేపట్టిన భారత్ జోడో న్యాయ్ యాత్రలో ప్రియాంక పాల్గొనలేకపోయారు.
తాను యూపీలో రాహుల్ యాత్రలో పాల్గొనాలని అనుకున్నా అనారోగ్యంతో ఆస్పత్రిలో చేరాల్సి వచ్చిందని తన ఆరోగ్యం మెరుగుపడిన వెంటనే జోడో న్యాయ్ యాత్రలో పాల్గొంటానని ప్రియాంక గాంధీ ఎక్స్ వేదికగా రాసుకొచ్చారు.
మరోవైపు పరువు నష్టం కేసులో సుల్తాన్పూర్ జిల్లా సివిల్ కోర్టు రాహుల్ గాంధీకి సమన్లు జారీ చేయడంతో మంగళవారం ఉదయం జోడో న్యాయ్ యాత్ర కొద్దిసేపు నిలిచిపోతుందని అంతకుముందు కాంగ్రెస్ ప్రధాన కార్యదర్శి (కమ్యూనికేషన్స్) జైరాం రమేష్ వెల్లడించారు. ఇక రాహుల్ జోడో న్యాయ్ యాత్ర సోమవారం 37వ రోజుకు చేరుకుంది.
Read More :