న్యూఢిల్లీ: కాంగ్రెస్ నేత గౌరవ్ గొగోయ్ను (Gaurav Gogoi) లోక్సభలో డిప్యూటీ లీడర్గా ఆ పార్టీ నియమించింది. ఈ నిర్ణయానికి సంబంధించిన లేఖను లోక్సభ స్పీకర్ ఓం బిర్లాకు కాంగ్రెస్ పంపింది.
లోక్సభలో కాంగ్రెస్ పార్టీ డిప్యూటీ లీడర్, చీఫ్ విప్, ఇద్దరు విప్లను కాంగ్రెస్ పార్లమెంటరీ పార్టీ చైర్పర్సన్ సోనియా గాంధీ నియమించినట్లు ఏఐసీసీ ప్రధాన కార్యదర్శి కేసీ వేణుగోపాల్ తెలిపారు. లోక్సభ స్పీకర్ ఓం బిర్లాకు ఈ మేరకు ఒక లేఖను సోనియా గాంధీ పంపారని చెప్పారు.
కాగా, కేరళ నుంచి ఎనిమిదిసార్లు ఎంపీగా ఎన్నికైన కొడికున్నిల్ సురేష్, లోక్సభలో పార్టీ చీఫ్ విప్గా వ్యవహరిస్తారని కేసీ వేణుగోపాల్ తెలిపారు. విరుదునగర్ ఎంపీ మాణికం ఠాగూర్, కిషన్గంజ్ ఎంపీ మహ్మద్ జావేద్ లోక్సభలో పార్టీ విప్లుగా వ్యవహరిస్తారని చెప్పారు. లోక్సభలో ప్రతిపక్ష నేత రాహుల్ గాంధీ మార్గనిర్దేశంలో కాంగ్రెస్, ఇండియా కూటమి పార్టీలు ప్రజల సమస్యలపై శక్తివంతంగా పోరాడతాయని వేణుగోపాల్ అన్నారు. ఎక్స్లో పోస్ట్ ద్వారా ఈ విషయాన్ని వెల్లడించారు.