Cocaine | గాంధీనగర్ : గుజరాత్ కచ్ తీరంలో రూ. 130 కోట్ల విలువ చేసే కొకైన్ను పోలీసులు స్వాధీనం చేసుకున్నారు. గాంధీధామ్ పట్టణంలోని మితి రోహర్ ప్రాంతంలో స్మగ్లర్లు సముద్ర తీరంలో డ్రగ్స్ను దాచిపెట్టినట్లు నిఘా వర్గాలకు సమాచారం అందింది.
దీంతో యాంటీ టెర్రరిస్ట్ స్క్వాడ్, స్పెషల్ ఆపరేషన్ పోలీసులు కలిసి విస్తృతంగా తనిఖీలు నిర్వహించారు. తనిఖీల్లో భాగంగా 13 ప్యాకెట్ల కొకైన్ను స్వాధీనం చేసుకున్నట్లు కచ్ ఈస్ట్ డివిజన్ ఎస్పీ సాగర్ బాగ్మర్ తెలిపారు. స్వాధీనం చేసుకున్న కొకైన్ విలువ అంతర్జాతీయ మార్కెట్లో రూ. 130 కోట్లకు పైగా ఉంటుందిన అంచనా వేశారు. కొకైన్ను తరలిస్తున్న నిందితులను అదుపులోకి తీసుకున్నారు. గతేడాది సెప్టెంబర్లో ఇదే ప్రాంతంలో రూ. 800 కోట్ల విలువైన 80 కొకైన్ ప్యాకెట్లను పోలీసులు స్వాధీనం చేసుకున్న సంగతి తెలిసిందే.