పనాజి : గోవా సందర్శించే పర్యాటకుల కోసం ఇక్కడి మోర్జిమ్, అశ్వెమ్ బీచుల్లో ‘కో-వర్కింగ్ స్పేస్’లు అందుబాటులోకి తెస్తున్నట్టు ఆ రాష్ట్ర టూరిజం శాఖ గురువారం ప్రకటించింది. గోవా అనగానే అందరికీ గుర్తుకువచ్చేది బీచ్లే. వివిధ కంపెనీలకు చెందిన ప్రతినిధులు ఒకచోట సమావేశమై తమ ఆలోచనలు, నైపుణ్యాల్ని పంచుకునే ప్రదేశాల్ని ‘కో-వర్కింగ్’ స్పేస్లంటారు.
ఇది కొత్త వ్యాపార అవకాశాలకు దారితీస్తుంది. ఆహ్లాదంతోపాటు, కో-వర్కింగ్కు కేంద్రంగా గోవా పర్యాటకాన్ని మార్చాలని భావిస్తున్నట్టు రాష్ట్ర టూరిజం సెక్రెటరీ సంజీవ్ అహుజా విలేకరులతో చెప్పారు. పర్యాటకంగా రాష్ర్టాన్ని ప్రమోట్ చేసేందుకు అధికారులు మూడు రోజులపాటు ఇక్కడ కార్యక్రమాలు నిర్వహించారు.