న్యూఢిల్లీ: దేశ వ్యాప్తంగా ఎన్ఫోర్స్మెంట్ డైరెక్టరేట్ (ఈడీ) కార్యాలయాల వద్ద కేంద్ర పారిశ్రామిక భద్రతా దళం (సీఐఎస్ఎఫ్) సిబ్బందిని మోహరించాలని కేంద్ర ప్రభుత్వం యోచిస్తున్నట్లు సమాచారం. ఈడీ అధికారులపై ఇటీవలి కాలంలో దాడులు, బెదిరింపులు పెరుగుతున్న నేపథ్యంలో ఈ చర్యలు చేపడుతున్నది. తొలుత ముంబై, జలంధర్, కోల్కతా, జైపూర్, రాంచీ, రాయ్పూర్, కొచ్చి వంటి ప్రధాన నగరాల్లోని ఈడీ కార్యాలయాల వద్ద భద్రతను కట్టుదిట్టం చేయబోతున్నారు. ఢిల్లీలోని ఈడీ ప్రధాన కార్యాలయం వద్ద ఇప్పటికే సీఐఎస్ఎఫ్ సిబ్బంది భద్రత కల్పిస్తున్నారు.