న్యూఢిల్లీ, జూలై 13: కేంద్ర సమాచార కమిషన్(సీఐసీ) అధికారాలపై సుప్రీంకోర్టు స్పష్టత ఇచ్చింది. కమిషన్కు విచారణ ధర్మాసనాలు ఏర్పాటు చేసే అధికారాలు ఉన్నాయని, ఇందుకు సంబంధించిన నిబంధనలను సైతం రూపొందించే అధికారమూ ఉందని జస్టిస్ విక్రమ్నాథ్, జస్టిస్ సతీశ్ చంద్ర శర్మతో కూడిన ధర్మాసనం స్పష్టం చేసింది. నిబంధనలను రూపకల్పన చేసే అధికారాన్ని ఆర్టీఐ చట్టం..
సీఐసీకి స్పష్టంగా ఇవ్వకపోయినప్పటికీ, ఈ చట్టంలోని సెక్షన్ 12(4) ప్రకారం కమిషన్ వ్యవహారాలు సమర్థంగా నిర్వహించేందుకు విస్తృత అధికారాలను ఇస్తున్నదని కోర్టు పేర్కొన్నది. 2007లో అప్పటి చీఫ్ ఇన్ఫర్మేషన్ కమిషనర్.. రూపొందించిన సెంట్రల్ ఇన్ఫర్మేషన్ కమిషన్(మేనేజ్మెంట్) రెగ్యూలేషన్స్-2007ను ఢిల్లీ హైకోర్టు 2010లో కొట్టేసింది. తాజాగా ఢిల్లీ హైకోర్టు తీర్పును సుప్రీంకోర్టు తోసిపుచ్చింది.