Bomb Note | గత కొన్ని రోజులుగా దేశంలో బాంబు బెదిరింపులు కలకలం రేపుతున్నాయి. ప్రముఖ పాఠశాలలు, విమానాశ్రయాలు, కార్యాలయాలకు వరుస బాంబు బెదిరింపులు వస్తున్నాయి. తాజాగాఎయిర్ ఇండియా విమానానికి (Air India flight) కూడా బాంబు బెదిరింపులు వచ్చాయి.
బుధవారం రాత్రి 7:30 గంటల సమయంలో ఎయిర్ ఇండియాకు చెందిన విమానం ఢిల్లీ నుంచి వడోదర (Delhi – Vadodara)కు వెళ్లేందుకు రన్వేపై సిద్ధంగా ఉంది. కాసేపట్లో టేకాఫ్ అవుతుందనంగా ఓ టిష్యూ పేపర్పై ‘బాంబు’ అని రాసిఉన్న నోట్ (Bomb Note)ను విమానంలోని లావేటరీలో సిబ్బంది గుర్తించారు. ఈ నోట్తో విమాన సిబ్బంది, ప్రయాణికులు తీవ్ర భయాందోళనకు గురయ్యారు. మరోవైపు అప్రమత్తమైన అధికారులు విమానంలో తనిఖీలు చేపట్టారు. అయితే, తనిఖీల్లో ఎలాంటి అనుమానాస్పద వస్తువూ, పేలుడు పదార్థాలూ కనిపించలేదు.
ఘటన నేపథ్యంలో ముందు జాగ్రత్త చర్యగా ప్రయాణికుల్ని విమానం నుంచి కిందకు దింపేశారు. అనంతరం వారందరినీ మరో విమానంలో వడోదరకు పంపించారు. మరోవైపు ఘటనపై విమానాశ్రయ అధికారులు పోలీసులకు సమాచారం అందించారు. కేసు నమోదు చేసుకున్న పోలీసులు దర్యాప్తు చేపట్టారు.
Also Read..
Billboard | పెట్రోల్ పంప్పై పడిన భారీ హోర్డింగ్.. షాకింగ్ వీడియో వైరల్
Shyam Rangeela | వారణాసిలో మోదీపై పోటీ.. కమెడియన్ శ్యామ్ రంగీలాకు ఝలక్ ఇచ్చిన అధికారులు
Naresh Goyal | జెట్ ఎయిర్వేస్ వ్యవస్థాపకుడు నరేశ్ గోయల్ భార్య కన్నుమూత