న్యూఢిల్లీ, జూలై 23: స్టార్టప్లో పెట్టుబడులను ప్రోత్సహించడానికి కేంద్రం మరో కీలక నిర్ణయం తీసుకున్నది. గతంలో స్టార్టప్లో పెట్టుబడులు పెట్టేవారిపై విధించిన ఏంజిల్ ట్యాక్స్ను పూర్తిగా ఎత్తివేస్తున్నట్లు బడ్జెట్లో ప్రకటించింది. యువతను వ్యాపారవేత్తలుగా తీర్చిదిద్దే ఉద్దేశంలో భాగంగా ఈ నిర్ణయం తీసుకున్నది.
స్టార్టప్లు తమ విలువను పెంచుకోవాలనే ఉద్దేశంతో గతేడాది సెప్టెంబర్లో వీటిపై ఏంజిల్ ట్యాక్స్ను విధించింది. దేశీయ స్టార్టప్ వ్యవస్థను మరింత బలోపేతం చేసే ఉద్దేశంలో భాగంగా ఈ ఏంజిల్ ట్యాక్స్ను ఎత్తివేస్తున్నట్లు, దీంతో వీటికి భారీ ఊరట లభించినట్లు కానున్నదని కేంద్ర ఆర్థిక మంత్రి నిర్మలా సీతారామన్ తెలిపారు. ప్రస్తుతం దేశంలో 1.17 లక్షల స్టార్టప్లో ఉన్నాయి.