Arun Goyal | కేంద్ర ఎన్నికల కమిషనర్ అరుణ్ గోయల్ శనివారం తన పదవికి రాజీనామా చేశారు. ఆయన రాజీనామాను రాష్ట్రపతి ద్రౌపది ముర్ము ఆమోదించారు. లోక్సభ ఎన్నికలకు సమయం దగ్గరపడుతున్న నేపథ్యంలో ఆయన రాజీనామా చేయడం సర్వత్రా చర్చనీయాంశంగా మారింది. మరో మూడేళ్లు పదవీకాలం ఉండగానే ఆయన రాజీనామా చేశారు. ఆయన రాజీనామాకు గల కారణాలు తెలియరాలేదు. ఇదిలా ఉండగా.. రిటైర్డ్ ఐఏఎస్ అధికారి అయిన అరుణ్ గోయల్ 2022 నవంబర్లో కేంద్ర ఎన్నికల సంఘం కమిషనర్గా నియామకమయ్యారు. ఆయన 1985 బ్యాచ్కు చెందిన ఐఏఎస్ అధికారి.
అయితే, ఆయనను కేంద్ర ఎన్నికల కమిషనర్గా నియమించడంపై విమర్శలు వ్యక్తమయ్యాయి. సుప్రీంకోర్టులోనూ పిటిషన్లు దాఖలయ్యాయి. అయితే, అరుణ్ గోయల్ రాజీనామాతో కేంద్ర ఎన్నికల కమిషన్లో కమిషనర్ల పోస్టులు ఖాళీగా మారాయి. కేవలం ప్రధాన ఎన్నికల అధికారి రాజీవ్ కుమార్ మాత్రమే మిగిలారు. సీఈసీ రాజీవ్ కుమార్ పదవీకాలం సైతం వచ్చే ఏడాది ఫిబ్రవరిలో ముగియనున్నది. అయితే, ఆయన స్థానంలో సీఈసీగా బాధ్యతలు స్వీకరించేందుకు అవకాశం ఉన్నది. దాంతో పాటు రాబోయే వారం రోజుల్లో సార్వత్రిక ఎన్నికలకు షెడ్యూల్ విడుదలవుతుందని భావిస్తున్న తరుణంలో రాజీనామా చేయడం చర్చనీయాంశంగా మారింది.