CM Kejriwal | న్యూఢిల్లీ: మద్యం పాలసీ కేసులో ఎట్టి పరిస్థితుల్లోనూ ఢిల్లీ సీఎం కేజ్రీవాల్ను జైల్లో ఉంచాలనే ఉద్దేశంతోనే సీబీఐ ఆయనను అరెస్ట్ చేసిందని ఆయన తరఫు న్యాయవాది ఆరోపించారు. సీబీఐ కేసులో తన అరెస్టును సవాల్ చేయడంతో పాటు మధ్యంతర బెయిల్ కోరుతూ సీఎం కేజ్రీవాల్ దాఖలుచేసిన పిటిషన్లపై ఢిల్లీ హైకోర్టు బుధవారం విచారణ జరిపింది.
ఈ సందర్భంగా ఆయన తరఫు న్యాయవాది అభిషేక్ సింఘ్వీ వాదనలు వినిపిస్తూ.. ఈడీ కేసులో కేజ్రీవాల్ బయటకు వస్తారేమోనన్న భయంతోనే ముందస్తుగా ఇన్సూరెన్స్ మాదిరిగా ఆయనను అరెస్టు చేసిందని ఆరోపించారు. అయితే ఈ వాదనను సీబీఐ కొట్టివేసింది. ఇరువైపులా వాదనలు విన్న కోర్టు.. తీర్పును వాయిదా వేసింది.