కోల్కతా: పశ్చిమ బెంగాల్లో జాతీయ దర్యాప్తు సంస్థ (ఎన్ఐఏ) అధికారుల సోదాలు రాజకీయంగా అలజడిని సృష్టించాయి. టీఎంసీ నాయకుడు మనోబ్రత జనా భార్య ఫిర్యాదు ఆధారంగా ఎన్ఐఏ అధికారులపై పోలీసులు ఆదివారం కేసు నమోదు చేశారు. సోదాల పేరుతో ఎన్ఐఏ అధికారులు శనివారం అర్ధరాత్రి తన ఇంట్లో చొరబడ్డారని, తన గౌరవానికి భంగం కలిగించేలా వ్యవహరించారని మనోబ్రత జనా భార్య ఫిర్యాదులో పేర్కొన్నారు.