Bus accident : మహారాష్ట్రలోని నాసిక్ జిల్లాలో ఘోర ప్రమాదం జరిగింది. ఓ బస్సు అదుపుతప్పి లోయలోకి దూసుకెళ్లింది. ప్రమాదంలో ఇద్దరు చిన్నారులు మృతిచెందారు. మరో 64 మందికి గాయాలయ్యాయి. హుటాహుటిన ఘటనా ప్రాంతానికి చేరుకున్న పోలీసులు క్షతగాత్రులను చికిత్స నిమిత్తం సమీప ఆస్పత్రికి తరలించారు. మృతదేహాలను పోస్టుమార్టానికి పంపించారు.
గుజరాత్ సరిహద్దుల్లోని డాంగ్ జిల్లా పరిధిలోగల సత్పురా ఘాట్ దగ్గర ఈ ప్రమాదం జరిగింది. ముందు వెళ్తున్న వాహనాన్ని బస్సు డ్రైవర్ ఓవర్ టేక్ చేయడం ప్రమాదానికి కారణమైంది. ఓవర్ టేక్ చేసిన ప్రాంతంలోనే మూలమలుపు ఉండటంతో ఆలస్యంగా గమనించిన బస్సు డ్రైవర్ అదుపు చేయలేకపోయాడు. దాంతో బస్సు ఎదురుగా ఉన్న లోయలోకి దూసుకెళ్లింది.
బస్సులోని ఓ ప్రయాణికుడి జర్నీని తన మొబైల్ రికార్డు చేస్తున్న సమయంలో ఈ ప్రమాదం జరిగింది. దాంతో బస్సు లోయలోకి దూసుకెళ్తున్న దృశ్యాలు, ప్రయాణికుల ఆర్తనాదాలు ఆ మొబైల్లో రికార్డయ్యాయి. ఈ వీడియో ఇప్పుడు ఇంటర్నెట్లో వైరల్గా మారింది. ప్రమాదం జరిగిన సమయంలో బస్సులో మొత్తం 70 మంది ప్రయాణికులు ఉన్నారు. కాగా ఈ ప్రమాదం ఆదివారం చోటుచేసుకుంది.
अंगावर शहारे आणणारा हा व्हिडीओ…
नाशिकमध्ये बस दरीत कोसळली, अपघाताचा LIVE व्हिडीओ समोर आला…. 👇 pic.twitter.com/gmonkugZKN— Ganesh (@GaneshD56174762) July 9, 2024