జమ్మూ: జమ్మూకశ్మీర్(Jammu Kashmir)లోని దోడా జిల్లాలో భద్రతా దళాలు, ఉగ్రవాదుల మధ్య ఇవాళ ఫైరింగ్ జరిగింది. కేవలం 4 గంటల వ్యవధిలోనే రెండుసార్లు కాల్పుల ఘటన చోటుచేసుకున్నది. కొందరు అనుమానాస్పదంగా సంచరిస్తున్న నేపథ్యంలో.. విలేజ్ డిఫెన్స్ గార్డులు కూడా ఫైరింగ్కు పాల్పడ్డారు. గాండో ఏరియా నుంచి రెండు పేలుడు పదార్ధాలను రికవర్ చేశారు. మంగళవారం రాత్రి 10.45 నిమిషాలకు తొలుత కలాన్ భాటా ప్రాంతంలో ఫైరింగ్ జరిగింది. ఆ తర్వాత తెల్లవారుజామున రెండు గంటలకు పంచాన్ భాటాలో మరోసారి కాల్పులు చోటుచేసుకున్నాయి. దేసా ఫారెస్ట్ ఏరియాలో ప్రస్తుతం ఉగ్రవాద వ్యతిరేక ఆపరేషన్ కొనసాగుతోంది. సోమవారం ఈ ప్రాంతంలో జరిగిన కాల్పుల్లో నలుగు భారత జవాన్లు వీరమరణం పొందారు.
ఇవాళ జరిగిన కాల్పుల్లో ఎటువంటి ప్రాణ నష్టం జరగలేదని తెలుస్తోంది. చీకట్లో ఉగ్రవాదులు తప్పించుకున్నట్లు అధికారులు చెప్పారు. దేసా ఫారెస్ట్ బెల్ట్లో ఉన్న ధారి గోటే ఉరార్బాగి ప్రాంతంలో రాష్ట్రీయ రైఫిల్స్, స్పెషల్ ఆపరేషన్స్ గ్రూప్కు చెందిన దళాలు సెర్చ్ ఆపరేషన్లో పాల్గొన్నాయి. చాలా కఠినమైన కొండ ప్రాంతాలు, వెదర్ వల్ల .. ఉగ్రవాదుల ఏరివేత సమస్యాత్మకంగా మారింది. సోమవారం దాడికి పాల్పడిన ఉగ్రవాదులకు పాక్కు చెందిన జైషే మహమ్మద్తో లింకు ఉన్నట్లు అధికారులు భావిస్తున్నారు.
సోమవారం కాల్పుల్లో మరణించిన వాళ్లలో డార్జిలింగ్కు చెందిన కెప్టెన్ బ్రిజేశ్ థాపా, ఏపీకి చెందిన నాయక్ డీ రాజేశ్, రాజస్థాన్కు చెందిన సిపాయిలు బిజేంద్ర, అజయ్ కుమార్ సింగ్ ఉన్నారని ఆర్మీ అధికారులు మంగళవారం వెల్లడించారు. దాడి తామే చేశామని పాక్ కేంద్రంగా పనిచేసే జైషే మహ్మద్ సంస్థకు షాడో గ్రూపు ‘ది కశ్మీర్ టైగర్స్’ ప్రకటించింది.