న్యూఢిల్లీ, జూన్ 18: కొద్ది రోజుల క్రితం ఢిల్లీలోని పలు స్కూళ్లకు ఈమెయిల్ ద్వారా వచ్చిన బాంబు బెదిరింపులు తీవ్ర అలజడిని రేపాయి. గుర్తుతెలియని దుండగులు మరోసారి అదే పనిచేశారు. శంషాబాద్ ఎయిర్పోర్టు సహా దేశంలోని 41 విమానాశ్రయాలకు మంగళవారం ఈమెయిల్ ద్వారా బాంబు బెదిరింపులు వచ్చాయి. వెంటనే అప్రమత్తమైన భద్రతా సిబ్బంది విమానాశ్రయాల్లో కొన్ని గంటలపాటు తనిఖీలు చేపట్టగా, అవి నకిలీ బాంబు బెదిరింపులుగా అధికారులు తేల్చారు.