Arvind Kejriwal : ఢిల్లీ సీఎం, ఆమ్ ఆద్మీ పార్టీ జాతీయ కన్వీనర్ అరవింద్ కేజ్రీవాల్కు ఢిల్లీ హైకోర్టు శుక్రవారం ఝలక్ ఇచ్చింది. మద్యం పాలసీకి సంబంధించి మనీలాండరింగ్ కేసులో ట్రయల్ కోర్టు ఇచ్చిన బెయిల్ ఉత్తర్వులపై స్టే విధించింది. కేజ్రీవాల్ బెయిల్ ఉత్తర్వులపై హైకోర్టు స్టే విధించడాన్ని ఆప్ తప్పుపట్టింది.
మరోవైపు ఆప్ అభ్యంతరాలను కాషాయ పార్టీ తోసిపుచ్చింది. అవినీతికి వ్యతిరేకంగా తమ పోరాటం కొనసాగుతుందని, తమకు కోర్టు, దర్యాప్తు ఏజెన్సీల పట్ల పూర్తి విశ్వాసం ఉందని పేర్కొంది. కోర్టు నిర్ణయాన్ని గౌరవించడం ఆప్ నేర్చుకోవాలని బీజేపీ ఎంపీ మనోజ్ తివారీ హితవు పలికారు. బెయిల్ అనేది సడలింపు కాదని అన్నారు.
ఢిల్లీలో నీటి సంక్షోభాన్ని నివారించేందుకు కేంద్రం జోక్యం చేసుకోవాలని కోరుతూ ఢిల్లీ మంత్రి అతిషి నిరవధిక దీక్షకు దిగడాన్ని ప్రస్తావిస్తూ ఢిల్లీ వాసులకు నీటి సరఫరాను అందుబాటులోకి తీసుకురావడం ఆప్ సర్కార్ బాధ్యతని స్పష్టం చేశారు. ఆమె తన సొంత ప్రభుత్వానికి వ్యతిరేకంగా నిరసన చేపట్టారని మనోజ్ తివారీ వ్యాఖ్యానించారు.
Read More :
Sniper Killed: ఇజ్రాయిల్ వైమానిక దాడిలో హమాస్ స్నైపర్ హతం.. వీడియో