న్యూఢిల్లీ: మిత్రపక్షం జేడీయూకి కేంద్రంలోని అధికార బీజేపీ గట్టి షాక్ ఇచ్చింది. బీహార్కు ప్రత్యేక హోదా ఇచ్చే అంశంపై ప్రతిపాదనలు, ప్రణాళికలేమీ లేవని స్పష్టం చేసింది. ఆర్థిక వృద్ధి, పారిశ్రామికీకరణను ప్రోత్సహించేందుకు బీహార్, ఇతర వెనుకబడిన రాష్ర్టాలకు ప్రత్యేక హోదా ఇచ్చే ప్రణాళిక ఏమైనా ఉందా? అని జేడీయూ ఎంపీ రామ్ప్రీత్ మండల్ అడిగిన ప్రశ్నకు ఈ మేరకు కేంద్ర ఆర్థిక శాఖ సహాయ మంత్రి పంకజ్ చౌదరి సోమవారం లోక్సభలో రాతపూర్వక సమాధానం ఇచ్చారు.
కేంద్రం స్పందనపై ఆర్జేడీ మండిపడింది. జేడీయూను లక్ష్యంగా చేసుకొని విమర్శలు గుప్పించింది. ‘కేంద్రంలో అధికారంలో భాగస్వామ్యమైన నితీశ్ కుమార్, ఇతర జేడీయూ నేతలు.. ఆ ఫలితాలను అనుభవించండి. బీహార్కు ప్రత్యేక హోదాపై వారి డ్రామా రాజకీయాలు కొనసాగించాలి’ అర్జేడీ ఎక్స్ పోస్టులో ఎద్దేవా చేసింది. సీఎం నితీశ్ రాజీనామా చేయాలని డిమాండ్ చేసింది.