న్యూఢిల్లీ: పశ్చిమబెంగాల్ ఉత్తర ప్రాంతానికి ఈశాన్య రాష్ర్టాలతో సారూప్యతలు ఉన్నాయని, దాన్ని ఈశాన్య ప్రాంత అభివృద్ధి శాఖ కిందకు తీసుకురావాలని తాను ప్రధాని మోదీకి ప్రతిపాదన చేశానన్న కేంద్ర మంత్రి, బీజేపీ రాష్ట్ర అధ్యక్షుడు సుకాంత మజుందార్ చేసిన వ్యాఖ్యలపై టీఎంసీ మండిపడింది. బెంగాల్ను విభజించలేరని తృణమూల్ నేత సుదీప్ బందోపాధ్యాయ్ అన్నారు. గతంలో గోర్ఖాలాండ్ డిమాండ్ను పశ్చిమబెంగాల్ ప్రజలు వ్యతిరేకించారని పేర్కొన్నారు. రాష్ట్ర ప్రజలు ఇలాంటి డిమాండ్లను సహించరని, వాళ్లు(బీజేపీ నేతలు) ఇదే విధంగా మాట్లాడితే బీజేపీ రాష్ట్రంలో జీరో అవుతుందన్నారు.