Mosquitoes | పశ్చిమబెంగాల్ (West Bengal)లో విచిత్ర ఘటన చోటు చేసుకుంది. ప్రస్తుతం ఆ రాష్ట్రంలో డెంగ్యూ (Dengue) కేసులు పెరుగుతున్నాయి. ఈ నేపథ్యంలో స్థానికంగా నివసించే ఓ వ్యక్తి తనను కుట్టిన దోమలను (Mosquitoes) అన్నింటినీ పట్టుకుని వాటిని ఆసుపత్రికి (Hospital) తీసుకెళ్లాడు. ఆ దోమలను పరీక్షించి తనకు సరైన వైద్యం చేయాలంటూ వైద్యులను కోరాడు. అతని తీరుతో ఆసుపత్రి వైద్యులు, స్టాఫ్ ఒక్కసారిగా స్టన్ అయ్యారు. పుర్బా బర్ధమాన్ (Purba Bardhaman) జిల్లాలో ఈ విచిత్ర ఘటన చోటు చేసుకుంది.
మంగల్కోట్ (Mangalkote)లోని ఖుర్తుబా గ్రామానికి చెందిన మన్సూర్ అలీ షేక్ అనే వ్యక్తి స్థానికంగా వ్యాపారం చేసుకుంటూ జీవనం సాగిస్తున్నాడు. అయితే అతడి షాప్ సమీపంలోని నీటి కుంటలో దోమల బెడద ఎక్కువగా ఉంది. దీంతో ఆ ప్రాంత వాసులు తీవ్ర ఇబ్బందులకు గురవుతున్నారు. ఈ క్రమంలో దోమల కారణంగా డెంగ్యూ జ్వరం బారిన పడతానేమో అన్న భయంతో మన్సూర్ తనను కుట్టిన దోమలన్నింటికీ సేకరించాడు. వాటిని ఓ పాలిథిన్ కవర్లో ఉంచి స్థానిక ఆసుపత్రికి తీసుకెళ్లాడు. ఆ దోమలను పరీక్షించి తనకు సరైన వైద్యం చేయాలంటూ అక్కడున్న వైద్యులను కోరాడు. దీంతో వారు ఒక్కసారిగా స్టన్ అయ్యారు. ఈ విషయం తెలుసుకున్న పంచాయతీ అధికారులు ఆ ప్రాంతంలో శుభ్రత చర్యలు చేపడతామని తెలిపారు.
Also Read..
Cobra | హెల్మెట్లో దూరిన పాము పిల్ల.. ఎలా బయటకు తీశారో చూడండి.. VIDEO
Amitabh Bachchan | జయా బచ్చన్ చాలా స్ట్రిక్ట్.. తనంటే నాకు భయం : అమితాబ్ బచ్చన్
Indian-Origin Couple | అమెరికాలో విషాదం.. అనుమానాస్పదంగా భారత సంతతి కుటుంబం మృతి