కోల్కతా, మే 21: బెంగాల్ గవర్నర్ సీవీ ఆనంద బోస్ లైంగిక వేధింపుల కేసులో నలుగురు రాజ్భవన్ అధికారులకు పోలీసులు సమన్లు పంపారు. బాధిత మహిళ గవర్నర్ కార్యాలయం నుంచి ఏడ్చుకుంటూ వెళ్లడాన్ని ఈ నలుగురు అధికారులు చూశారన్నారు. అంతేకాకుండా ఆమెపై వేధింపులు వీరి సమక్షంలోనే జరిగాయని తెలిపారు. బాధితురాలి వాంగ్మూలంలోనూ ఈ నలుగురి పేర్లు ఉన్నట్టు పోలీసులు వెల్లడించారు. దీంతో ఈ కేసులో విచారణకు తమ ముందు హాజరు కావాలని ఈ నలుగురు అధికారులకు సమన్లు జారీ చేశారు.