కోల్కతా: పశ్చిమ బెంగాల్లో బీజేపీకి ఆ పార్టీ ఎమ్మెల్యే ఝలక్ ఇచ్చారు. (Bengal BJP MLA) బీజేపీ ప్రకటించిన లోక్సభ అభ్యర్థికి వ్యతిరేకంగా గళమెత్తారు. సొంత పార్టీ అభ్యర్థిపై ఇండిపెండెంట్గా పోటీ చేస్తానని వెల్లడించారు. బీజేపీకి చెందిన కుర్సియోంగ్ ఎమ్మెల్యే బిష్ణు ప్రసాద్ శర్మ ఈ మేరకు సోమవారం ప్రకటించారు. డార్జిలింగ్ లోక్సభ స్థానంలో రాజు బిస్టాను బీజేపీ తిరిగి నామినేట్ చేయడం పట్ల ఆయన ఆగ్రహం వ్యక్తం చేశారు. ఆ ప్రాంతంతో సంబంధం లేని బయట వ్యక్తిని అభ్యర్థిగా ప్రకటించడంపై మండిపడ్డారు. ఈ నేపథ్యంలో తాను ఇండిపెండెంట్గా పోటీ చేస్తానని తెలిపారు. ‘రాజు బిస్తా నా అభ్యర్థి కాదు. మాకు బయటి వ్యక్తి అక్కర్లేదు. ఈ భూమికి చెందిన పుత్రుడు బీజేపీకి దొరకకపోవడం దురదృష్టకరం’ అని విమర్శించారు.
కాగా, ఇండిపెండెంట్గా పోటీ చేస్తున్నప్పటికీ తాను బీజేపీలోనే ఉంటానని ఆ పార్టీ ఎమ్మెల్యే బిష్ణు ప్రసాద్ శర్మ తెలిపారు. సొంతంగా పార్టీతో తెగతెంపులు చేసుకునే ఉద్దేశం తనకు లేదని చెప్పారు. అయితే పార్టీ తనపై ఎలాంటి క్రమశిక్షణ చర్య అయినా తీసుకోవచ్చని అన్నారు.
మరోవైపు ప్రత్యేక గూర్ఖాలాండ్ రాష్ట్ర ఏర్పాటుకు మద్దతుగా గళమెత్తిన బిష్ణు ప్రసాద్ శర్మ, 2009 నుంచి డార్జిలింగ్ లోక్సభ స్థానంలో బీజేపీ సాధించిన చారిత్రక విజయాన్ని ప్రస్తావించారు. అయితే డార్జిలింగ్ ప్రాంతానికి చెందని వ్యక్తిని బీజేపీ నామినేట్ చేయడం ఇది నాల్గవసారి అని మండిపడ్డారు. అలాంటి అభ్యర్థులు స్థానిక ప్రజల నిజమైన సమస్యలను లేవనెత్తలేరని అన్నారు.