లోక్సభ స్పీకర్ ఎన్నికపై చత్తీస్ఘఢ్ మాజీ సీఎం, కాంగ్రెస్ సీనియర్ నేత భూపేష్ బఘేల్ స్పందించారు. ప్రధాని నరేంద్ర మోదీ ఎన్నడూ విపక్షాలను విశ్వాసంలోకి తీసుకోరని విమర్శించారు. డిప్యూటీ స్పీకర్పై విపక్ష డిమాండ్ను ప్రధాని తోసిపుచ్చారని చెప్పారు.
డిప్యూటీ స్పీకర్ పదవి విపక్షాలకు కేటాయిస్తే ఎన్డీయే స్పీకర్ అభ్యర్ధికి మద్దతిస్తామని విపక్ష నేతలు స్పష్టం చేసినా పాలక పక్షం అంగీకరించలేదని దుయ్యబట్టారు. విధిలేని పరిస్ధితుల్లో స్పీకర్ ఎన్నికల్లో విపక్షం తలపడే పరిస్ధితి నెలకొందని అన్నారు. కాగా ఎన్డీయే తరపున స్పీకర్ అభ్యర్ధిగా ఓం బిర్లా పోటీ చేస్తుండగా విపక్షం నుంచి కాంగ్రెస్ అభ్యర్ధి కే సురేష్ తలపడుతున్నారు.
ఇక సీజీటీఈటీ 2024 నియామక పరీక్షకు సంబంధించి విద్యార్ధులతో బఘేల్ సమావేశమయ్యారు. 400 మంది విద్యార్ధుల భవితవ్యం గందరగోళంలో పడిందని, రీటెస్ట్కు విద్యార్ధులను అనుమతించాలని కోరుతూ తాను చత్తీస్ఘఢ్ సీఎంకు లేఖ రాశానని చెప్పారు. ఈ వ్యవహారంపై విచారణ చేపట్టాలని ఆయన డిమాండ్ చేశారు.
Read More :
Air India flight | లండన్ వెళ్లే ఎయిర్ ఇండియా విమానానికి బాంబు బెదిరింపులు.. కేరళ వ్యక్తి అరెస్ట్