పాట్నా: ఆర్జేడీ నేత తేజస్వీ యాదవ్ ఆసక్తికర వ్యాఖ్యలు చేశారు. బీజేపీపై తాను చేస్తున్న పోరాటంలో తన అంకుల్ జేడీయూ నేత, బీహార్ సీఎం నితీశ్ కుమార్ నుంచి ‘పూర్తి మద్దతు’ ఉన్నదని పేర్కొన్నారు. రాష్ట్రంలోని మధుబని జిల్లాలో మంగళవారం జరిగిన ఎన్నికల ర్యాలీలో తేజస్వీ యాదవ్ మాట్లాడుతూ ఈ వ్యాఖ్యలు చేశారు. ‘నితీశ్ చాచా అశీస్సులు నాపై మెండుగా ఉన్నాయి. ప్రధాని మోదీ నామినేషన్ దాఖలు చేస్తున్న రోజునే ఆయన అనారోగ్యానికి గురికావడాన్ని గమనించాలి. దీన్ని బట్టి ఆయన మద్దతు నాకు స్పష్టంగా ఉన్నది’ అని అన్నారు.