Assembly Results | న్యూఢిల్లీ, జూన్ 1: అరుణాచల్ప్రదేశ్, సిక్కిం అసెంబ్లీ ఎన్నికల ఫలితాలు ఆదివారం విడుదల కానున్నాయి. ఉదయం 6 గంటలకు కౌంటింగ్ ప్రారంభం అవుతుందని ఈసీ పేర్కొన్నది. ఎన్నికల షెడ్యూల్లో ఈ రెండు రాష్ర్టాల్లోనూ 4వ తేదీనే కౌంటింగ్ ఉంటుందని ప్రకటించిన ఈసీ.. తర్వాత రెండు రోజుల ముందుకు జరిపింది. అరుణాచల్, సిక్కిం రాష్ర్టాల అసెంబ్లీల పదవీ కాలం జూన్ 2కు ముగియనుండటమే దీనికి కారణం.
ఏప్రిల్ 19న లోక్సభతోపాటు ఈ రెండు రాష్ర్టాల్లో అసెంబ్లీ ఎన్నికలు జరిగాయి. 60 స్థానాలు ఉన్న అరుణాచల్ప్రదేశ్ అసెంబ్లీలో పోలింగ్కు ముందే 10 నియోజకవర్గాలు ఏకగ్రీవం కాగా.. మిగతా 50 స్థానాలకు ఎన్నికలు జరిగాయి. సిక్కింలోని 32 స్థానాల్లో పోలింగ్ జరిగింది.