రాంచీ, మే 1: కేంద్ర హోంమంత్రి అమిత్షా ఫేక్ వీడియో కేసులో ఢిల్లీ పోలీసులు జార్ఖండ్ కాంగ్రెస్ అధ్యక్షుడు రాజేశ్ ఠాకూర్కు సమన్లు జారీచేశారు. గురువారం ఢిల్లీలోని ఐఎఫ్ఎస్వో కార్యాలయానికి విచారణకు రావాలని ఆదేశించారని ఆ పార్టీ అధికార ప్రతినిధి ఒకరు బుధవారం తెలిపారు. తనకు ఢిల్లీ పోలీసులు నోటీసులివ్వడంపై రాజేశ్ ఠాకూర్ స్పందించారు. తనకు మంగళవారం నోటీసు వచ్చిందని, అయితే తనకు ఈ నోటీసు ఎందుకు ఇచ్చారో అర్థం కావడం లేదన్నారు. ఇదొక అరాచక వైఖరి అని విమర్శించారు. ఈ అంశంపై న్యాయపరమైన అభిప్రాయాలు తీసుకొంటానని చెప్పారు.