న్యూఢిల్లీ, మే 27: అదానీ గ్రూప్పై కల్పిత, తప్పుడు ఆరోపణలు చేయకుండా ప్రధాని మోదీ, కాంగ్రెస్ నాయకుడు రాహుల్గాంధీలను అడ్డుకోవాలని కోరుతూ ఢిల్లీ హైకోర్టులో ఓ పిటిషన్ దాఖలైంది. కాంగ్రెస్, బీజేపీ నాయకులు అదానీ గ్రూప్పై చేస్తున్న అసంబద్ధమైన ఆరోపణలు, అదానీ గ్రూప్ మార్కెట్ విలువకు, ఇన్వెస్టర్లకు హాని తలపెడుతున్నదని, అలాంటి ఆరోపణలు చేయకుండా వారిని నిరోధించాలని పిటిషన్దారు హైకోర్టును కోరాడు. స్టాక్ ఇన్వెస్టర్, రైతుగా తనను తాను పేర్కొన్న సుర్జిత్ సింగ్ యాదవ్ ఈ పిటిషన్ వేశారు. రాహుల్గాంధీ, ప్రధాని మోదీలను ప్రతివాదులుగా తన పిటిషన్లో చేర్చాడు. అదానీకి వ్యతిరేకంగా వాస్తవాలను వక్రీకరించారని పిటిషన్లో రాహుల్గాంధీపై ఆరోపించారు. అదానీ కంపెనీల ప్రతిష్టను ప్రజలు, మార్కెట్ ఇన్వెస్టర్ల దృష్టిలో తగ్గించారని యాదవ్ ఆరోపించారు.