న్యూఢిల్లీ : పార్లమెంట్ ప్రత్యేక సమావేశాలు ఈనెల 18 నుంచి ప్రారంభం కానుండగా పార్లమెంట్ లైబ్రరీ భవనంలో ఆదివారం అఖిలపక్ష సమావేశం (All Party Meeting) ప్రారంభమైంది. ఈ సమావేశంలో కేంద్ర మంత్రి రాజ్నాధ్ సింగ్, పార్లమెంటరీ వ్యవహారాల మంత్రి ప్రహ్లాద్ జోషీ పలువురు ప్రతిపక్ష నేతలు హాజరయ్యారు. ప్రభుత్వం ఏర్పాటు చేసిన ఈ సమావేశంలో పాల్గొనేందుకు జమ్ము కశ్మీర్ మాజీ సీఎం, నేషనల్ కాన్ఫరెన్స్ నేత ఫరూక్ అబ్ధుల్లా, వైకో, తిరుచ్చి ఎన్ శివ, సీపీఎం నేత వి శివదాసన్ తదితరులు సమావేశ ప్రాంగణానికి చేరుకున్నారు.
పార్లమెంట్ స్పెషల్ సెషన్ అజెండాపై ఈ భేటీలో చర్చించనున్నారు. పార్లమెంట్ 75 ఏండ్ల ప్రస్ధానంతో పాటు. సాధించిన విజయాలు, అనుభవాలపై తొలి రోజు చర్చ జరగనుందని బుధవారం విడుదల చేసిన పార్లమెంటరీ బులెటిన్ పేర్కొంది. ఇక ఈ ఏడాది చివరిలో ఐదు రాష్ట్రాల అసెంబ్లీ ఎన్నికలకు ముందు జరుగుతున్న పార్లమెంట్ ప్రత్యేక సమావేశాలపై సర్వత్రా ఆసక్తి నెలకొంది.
జమిలి ఎన్నికలు, మహిళా రిజర్వేషన్ బిల్లు సహా పలు కీలక అంశాలు ప్రస్తావనకు వచ్చే అవకాశం ఉందని భావిస్తున్నారు. ఇక పార్లమెంట్ ప్రత్యేక సమావేశాలు జరిగే ఒక రోజు ముందు నూతన పార్లమెంట్ భవనంలో ఉపరాష్ట్రపతి, రాజ్యూసభ చైర్మన్ జగ్దీప్ ధన్కర్ జాతీయ జెండాను ఎగురవేశారు.
Read More :
NABARD Recruitment 2023 | నాబార్డులో అసిస్టెంట్ మేనేజర్ పోస్టులు