Lok Sabha Elections | ముంబై: మహారాష్ట్రలోని బారామతి నియోజకవర్గంపై అందరి దృష్టినెలకొంది. ఇక్కడి నుంచి మూడుసార్లు విజయం సాధించి నాలుగోసారి బరిలో నిలిచిన శరద్పవార్ కుమార్తె సుప్రియా సూలేకు ఇప్పుడు కుటుంబసభ్యుల నుంచే తీవ్ర పోటీ ఎదురవుతున్నది.
ఎన్సీపీని చీల్చి బీజేపీతో చేతులు కలిపిన శరద్పవార్ సోదరుడి కుమారుడు, మహారాష్ట్ర డిప్యూటీ సీఎం అజిత్ పవార్.. తన భార్య సునేత్ర పవార్ను ఇక్కడి నుంచి బరిలో నిలుపుతున్నారు. దీంతో వదిన, మరదలి మధ్య పోరుపై నియోజకవర్గ ప్రజల్లో ఉత్కంఠ నెలకొంది. కాగా, మహావికాస్ అఘాడీలో భాగస్వామిగా ఉన్న ఎన్సీపీ(శరద్ పవార్) రాష్ట్రంలోని 48 స్థానాలకు గాను 10 సీట్లలో పోటీ చేస్తున్నది.