LS Speaker : 18వ లోక్సభ స్పీకర్గా ఎన్నికైన ఓం బిర్లాను ఎస్పీ చీఫ్, ఆ పార్టీ ఎంపీ అఖిలేష్ యాదవ్ బుధవారం అభినందించారు. స్పీకర్గా సభ్యుల గొంతును అణిచివేయకుండా వ్యవహరిస్తారని విపక్షం ఆశిస్తోందని అన్నారు.
సభలో ప్రతి ఒక్క సభ్యుడు, పార్టీని గౌరవిస్తూ ఎవరి పట్లా వివక్ష చూపకుండా ఉంటారని తాము విశ్వసిస్తున్నామని చెప్పారు. స్పీకర్గా మీకున్న అనుభవంతో సభను సజావుగా నడిపిస్తారనే నమ్మకం తమకుందని అన్నారు. ఏ ప్రజా ప్రతినిధి గొంతు నొక్కకుండా నిష్పాక్షికంగా వ్యవహరిస్తూ బహిష్కరణల పర్వం పునరావృతం కాదని ఆశిస్తున్నామని ఎస్పీ చీఫ్ పేర్కొన్నారు.
విపక్షంతో పాటు పాలక పక్షాన్నీ మీ నియంత్రణలో ఉంచాలని కోరారు. మీ కనుసన్నల్లోనే సభ నడవాలని స్పీకర్ను ఉద్దేశించి అఖిలేష్ యాదవ్ చెప్పారు. అధికార పక్షంతో పాటు విపక్షాన్నీ మీరు సమదృష్టితో చూస్తూ సమాన అవకాశాలు ఇస్తారని ఆకాంక్షిస్తున్నామని అన్నారు. సభా నిర్వహణలో మీకు సహకరిస్తామని తెలిపారు.
Read More :
Telangana | రెండుగా చీలిపోయిన జూడాలు.. తాత్కాలికంగా సమ్మె విరమించిన గాంధీ జూడాలు