న్యూఢిల్లీ: యూపీలోని మొత్తం 80 లోక్సభ స్థానాల్ని తాము గెలుచుకున్నప్పటికీ, ఈవీఎంలను విశ్వసించబోనని సమాజ్వాదీ అధినేత అఖిలేశ్ యాదవ్ అన్నారు. లోక్సభ ఎన్నికల నిర్వహణలో కేంద్ర ఎన్నికల సంఘం నిష్పాక్షికతను లోక్సభలో ఆయన లేవనెత్తారు.
మంగళవారం రాష్ట్రపతి ప్రసంగానికి ధన్యవాదాలు తెలిపే తీర్మానంపై చర్చ సందర్భంగా ఆయన ఈ వ్యాఖ్యలు చేశారు. ఇండియా కూటమి అధికారంలోకి రాగానే, ఈవీఎంల వాడకానికి ముగింపు పలుకుతామన్నారు. ‘ఈసీ కొందరికి అనుకూలంగా వ్యవహరించింది’ అని అఖిలేశ్ అన్నారు.