కొచ్చి: వ్యాపార దిగ్గజం టాటా ఆధ్వర్యంలో నడుస్తున్న విమానయాన సంస్థ ఎయిర్ ఇండియా సబ్సిడరీ అయిన ఎయిర్ ఇండియా ఎక్స్ప్రెస్ యూఏఈ నుంచి వచ్చే ప్రయాణికులకు కరోనా మార్గదర్శకాలు జారీ చేసింది. అరబ్ దేశాల నుంచి తమ విమానాల్లో భారత్కు వచ్చేవారు తప్పనిసరిగా షెడ్యూల్ ప్రకారం పూర్తిస్థాయిలో కరోనా టీకా తీసుకోవాల్సిందేనని స్పష్టం చేసింది. అదేవిధంగా విధిగా మాస్కులు ధరించాలని, భౌతిక దూరం పాటించాలని కోరింది.
అయితే 12 ఏండ్లలోపు చిన్నారులకు ఈ మార్గదర్శకాల నుంచి మినహాయింపు నిచ్చింది. చిన్నారులు ప్రయాణానికి ముందు తప్పనిసరిగా వ్యాక్సినేషన్ చేయించుకోవాల్సిన అవసరం ఏమీ లేదని తెలిపింది. అయితే ఏమైనా లక్షణాలు ఉంటే టెస్టులు చేయించుకోవాలని, క్వారంటైన్లో ఉండాలని సూచించింది. మాస్క్ ధరించడం, భౌతిక దూరం పాటించాల్సిందేనని వెల్లడించింది.
భారతదేశపు మొదటి అంతర్జాతీయ బడ్జెట్ క్యారియర్ అయిన ఎయిర్ ఇండియా ఎక్స్ప్రెస్.. కేరళలోని కొచ్చి ప్రధాన కేంద్రంగా కార్యకలాపాలు కొనసాగిస్తున్నది. ఇది మధ్యప్రాచ్యం, ఆగ్నేయాసియా దేశాలకు విమాన సర్వీసులను నడుపుతున్నది.