బెంగళూరు, జూలై 22: ‘ఎయిర్ బ్రీతింగ్ ప్రొపల్షన్ టెక్నాలజీ’ని భారత అంతరిక్ష పరిశోధన సంస్థ (ఇస్రో) మరోసారి విజయవంతంగా పరీక్షించింది. శ్రీహరి కోటలోని సతీశ్ ధావన్ స్పేస్ సెంటర్ నుంచి ప్రయోగించిన ‘ఆర్హెచ్-560’ రాకెట్లో ఇరువైపులా‘ప్రొపల్షన్ సిస్టం’ను అమర్చినట్టు ఇస్రో సోమవారం ఒక ప్రకటనలో తెలిపింది.
ఇంధనాన్ని మండించేందుకు కావాల్సిన ఆక్సిజన్ను వాతావరణంలో నుంచి రాకెట్ తీసుకోవటమే ‘ఎయిర్ బ్రీతింగ్ ప్రొపల్షన్’ టెక్నాలజీ. దీనివల్ల.. రాకెట్లు ప్రత్యేకంగా ఆక్సిజన్ సిలిండర్లను మోసుకెళ్లాల్సిన అవసరముండదు. ఎయిర్ బ్రీతింగ్ ప్రొపల్షన్తో ఆకాశంలోకి దూసుకెళ్లిన ‘ఆర్హెచ్-560’ రాకెట్ పనితీరును 110 రకాలుగా పరిశీలించినట్టు ఇస్రో తెలిపింది. రాకెట్ ధ్వని, ఇగ్నిషన్ వ్యవస్థల పనితీరుపై సంతృప్తి వ్యక్తం చేసింది.