న్యూఢిల్లీ: చాట్జీపీటీ, సామాజిక మాధ్యమాలు, కృత్రిమ మేధ (ఏఐ) వల్ల వాతావరణ సంక్షోభం మరింత దుర్భరమవుతుందని బ్రిటిష్ కొలంబియా విశ్వవిద్యాలయం పరిశోధకులు చెప్తున్నారు. ‘గ్లోబల్ ఎన్విరాన్మెంటల్ పాలిటిక్స్’ జర్నల్లో వీరు రాసిన వ్యాసం ప్రకారం వాతావరణ మార్పులపై చర్యల విషయంలో ఏఐ, సోషల్ మీడియా, ఇతర టెక్ ప్రొడక్ట్స్, ప్లాట్ఫామ్స్ స్పందించకుండా ఉండటం కాని, సకారాత్మకంగా వ్యవహరించడం కాని చేస్తాయనే భావన ఉంది.
ఇవి సృజనాత్మకంగా ఆలోచించగలిగే సామర్థ్యాన్ని, సమస్యలను పరిష్కరించగలిగే సత్తాను తగ్గిస్తాయి. వాతావరణ మార్పులను ఎదుర్కోవడానికి ఇవి చాలా ముఖ్యం. అయితే ఈ ప్లాట్ఫామ్స్ మానవాళిని వేధిస్తున్న ప్రపంచ సమస్యల నుంచి మన దృష్టిని మళ్లిస్తాయని పరిశోధకులు చెప్తున్నారు. అంతే కాకుండా అవి నైరాశ్య భావనలను పెంపొందిస్తాయని చెప్పారు.