షిల్లాంగ్: పుట్టగొడుగులు (Mushrooms) తిని ముగ్గురు పిల్లలు మరణించారు. ఆ కుటుంబంలోని మరో 9 మంది అస్వస్థతకు గురయ్యారు. దీంతో వారిని పలు ఆసుపత్రులకు తరలించి చికిత్స అందిస్తున్నారు. మేఘాలయలోని పశ్చిమ జైంతియా హిల్స్ జిల్లాలో ఈ సంఘటన జరిగింది. శనివారం సఫాయ్ గ్రామంలోని ఒక కుటుంబానికి చెందిన 12 మంది అడవి పుట్టగొడుగులు తిన్నారు. అనంతరం ముగ్గురు పిల్లలు చనిపోయారు. మరో తొమ్మిది మంది కుటుంబ సభ్యులు అస్వస్థతకు గురయ్యారు.
కాగా, పుట్టగొడుగులు తిని మరణించిన పిల్లలను 8 ఏళ్ల రివాన్సక సుచియాంగ్, 12 ఏళ్ల కిట్లాంగ్ దుచియాంగ్, 15 ఏళ్ల వాన్సాలన్ సుచియాంగ్గా గుర్తించారు. అనారోగ్యానికి గురైన మిగతా కుటుంబ సభ్యులను పలు ఆసుపత్రులకు తరలించి చికిత్స అందిస్తున్నట్లు డిప్యూటీ కమిషనర్ బీఎస్ సోహ్లియా తెలిపారు. ఈ సంఘటనపై దర్యాప్తునకు ఆదేశించినట్లు చెప్పారు.