న్యూఢిల్లీ, జూలై 25: తీహార్ జైల్లో ఉన్న ఢిల్లీ సీఎం, ఆప్ అధినేత అరవింద్ కేజ్రీవాల్ ఆరోగ్యం క్షీణిస్తున్న విషయాన్ని లేవనెత్తేందుకు ఈనెల 30న విపక్ష ఇండియా కూటమి పార్టీలు ఢిల్లీలోని జంతర్మంతర్ వద్ద ర్యాలీ చేపట్టనున్నట్టు ఆమ్ఆద్మీ పార్టీ గురువారం వెల్లడించింది. మద్యం పాలసీ కేసులో అరెస్టు అయిన కేజ్రీవాల్ను జైల్లోనే చంపేందుకు కేంద్రంలోని అధికార బీజేపీ కుట్ర చేసిందని ఆప్ ఆరోపిస్తున్నది. జూన్ 3, జూలై 7 మధ్య ఆయన షుగర్ స్థాయిలు పలుమార్లు పడిపోయాయన్న వైద్య నివేదికను ఆ పార్టీ ప్రస్తావిస్తున్నది.