Arvind Kejriwal : మోదీ సర్కార్ నియంత పోకడలతో విపక్ష నేతలను వేధిస్తోందని ఆప్ ఆరోపించింది. ఢిల్లీ సీఎం అరవింద్ కేజ్రీవాల్ను మోదీ ప్రభుత్వం ఏ విధంగా అణిచివేస్తోందో చూస్తున్నామని ఆప్ హరియాణ అధ్యక్షులు సుశీల్ గుప్తా పేర్కొన్నారు. జూన్ 3, 7 మధ్య కేజ్రీవాల్ షుగర్ లెవెల్స్ ప్రమాదకర స్ధాయికి పడిపోయాయని గుప్తా ఆందోళన వ్యక్తం చేశారు.
ఢిల్లీ లెఫ్టినెంట్ గవర్నర్కు ఈ విషయంలో ఎలాంటి అవగాహన లేదని అన్నారు. అరవింద్ కేజ్రీవాల్ తన షుగర్ లెవెల్ను తగ్గించుకుంటున్నారని ఆయన అవగాహనా రాహిత్యంతో మాట్లాడారని పేర్కొన్నారు. షుగర్ లెవెల్స్ పడిపోవడం ఎంత ప్రమాదకరమో నిపుణులైన వైద్యులను అడిగి తెలుసుకోవాలని అన్నారు. రాజకీయాల కోసం ఆరోగ్యంతో చెలగాటమాడటం తగదని హితవు పలికారు.
కేజ్రీవాల్ షుగర్ లెవెల్స్ 50 కంటే దిగువకు పడిపోయాయయని, ఇలా 34 సార్లు జరిగిందని చెప్పారు. షుగర్ లెవెల్స్ పెరగడం ఎంత ప్రమాదకరమో తగ్గడం అంతకంటే ప్రమాదకరమని చెప్పారు. మోదీ సర్కార్ పనిగట్టుకుని రాజకీయ ప్రత్యర్ధులను కేంద్ర ప్రభుత్వ ఏజెన్సీలను ఉసిగొల్పి వేధిస్తున్నదని సుశీల్ గుప్తా ఆరోపించారు.
Read More :