AAP : హరియాణ అసెంబ్లీ ఎన్నికల్లో 90 అసెంబ్లీ స్ధానాల్లో పోటీ చేసేందుకు ఆమ్ ఆద్మీ పార్టీ (AAP) సిద్ధమవుతోందని ఆప్ హరియాణ చీఫ్ సుశీల్ గుప్తా వెల్లడించారు. పోలింగ్ బూత్ స్ధాయిలో పార్టీని పటిష్టం చేసేందుకు కసరత్తు సాగుతున్నదని చెప్పారు. హరియాణ ప్రజలు అరవింద్ కేజ్రీవాల్ను కోరుకుంటున్నారని అన్నారు. ఢిల్లీ, పంజాబ్ తరహాలో హరియాణకు 24 గంటల విద్యుత్, నీటి సరఫరాను ప్రజలు కోరుకుంటున్నారని చెప్పారు.
చదువుకున్న ప్రతి ఒక్కరికీ ఉపాధి అవకాశాలు అందుబాటులోకి తీసుకురావాలని అన్నారు. డ్రగ్ సంస్కృతి, నేరాలకు అడ్డుకట్టవేయాల్సిన అవసరం ఉందని చెప్పారు. హరియాణ ప్రజలు మార్పు కోరుకుంటున్నారని ప్రజల ఆకాంక్షలకు ఆప్ అద్దం పడుతుందని సుశీల్ గుప్తా స్పష్టం చేశారు. మరోవైపు రానున్న అసెంబ్లీ ఎన్నికల్లో హరియాణలో కాంగ్రెస్ ప్రభుత్వం ఏర్పాటు చేస్తుందని అంతకుముందు ఆ పార్టీ నేత, హరియాణ మాజీ సీఎం భూపీందర్ సింగ్ హుడా స్పష్టం చేశారు.
రాష్ట్రంలో బీజేపీ సర్కార్ ఉపాధి కల్పనలో ఘోరంగా విఫలమైందని ఆరోపించారు. గత పదేండ్లుగా రాష్ట్రంలో ఎలాంటి అభివృద్ధి కార్యక్రమాలు చేపట్టలేదని దుయ్యబట్టారు. నైనీ సర్కార్ అన్ని రంగాల్లో విఫలమైందని, రాష్ట్ర ప్రజలు మార్పు కోరుకుంటున్నారని భూపీందర్ సింగ్ పేర్కొన్నారు. రానున్న హరియాణ అసెంబ్లీ ఎన్నికల్లో బీజేపీ, జేజేఎం సర్కార్కు ప్రజలు చరమగీతం పాడి, కాంగ్రెస్ సర్కార్ను కొలువుతీర్చుతారని ఆయన ధీమా వ్యక్తం చేశారు.
Read More :
Tension | వైసీపీ ఎంపీ మిథున్రెడ్డిపై దాడి.. పుంగనూర్లో కొనసాగుతున్న ఉద్రిక్తత