బెంగళూరు, మే 29: మహిళలపై లైంగిక వేధింపుల ఆరోపణలు ఎదుర్కొంటున్న కర్ణాటకలోని హసన ఎంపీ ప్రజ్వల్ రేవణ్ణ పెట్టుకొన్న ముందస్తు బెయిల్ పిటిషన్ను ప్రత్యేక కోర్టు బుధవారం తిరస్కరించింది. ఆయన జర్మనీలోని మునిచ్ నుంచి బెంగళూరుకు గురువారం విమాన టికెట్ను బుక్ చేసుకొన్నట్టు తెలుస్తున్నది.
శుక్రవారం తెల్లవారుజామున ప్రజ్వల్ రేవణ్ణ బెంగళూరులో ల్యాండ్ అవగానే.. విమానాశ్రయంలోనే అరెస్టు చేసేందుకు పోలీసులు రంగం సిద్ధం చేసినట్టు అధికారిక వర్గాలు తెలిపాయి. ఈ మేరకు కెంపెగౌడ విమానాశ్రమంలో సిట్ అధికారులు నిఘా ఏర్పాటు చేశారు.