న్యూఢిల్లీ: అమర్నాథ్ యాత్రకు రికార్డు స్థాయిలో భక్తులు తరలివస్తున్నారు. ఈ యాత్ర మొదలైన తర్వా త 16 రోజుల్లోనే 3 లక్షల మందికిపైగా భక్తులు అమరలింగేశ్వరుడిని దర్శించుకోవడంతో సరికొత్త రికార్డు నమోదైంది. జమ్ములోని భగవతి నగర్ యాత్రి నివాస్ నుంచి సోమవారం మరో 4,875 మంది భక్తులు బయల్దేరారు.
ఆదివారం వర్షాలు, ఉరుములు, మెరుపులతో కూడిన వాతావరణం ఉన్నప్పటికీ 15,000 మందికిపైగా భక్తులు అమరలింగేశ్వరుడిని దర్శనం చేసుకున్నారు.
‘కేదార్నాథ్ గుడిలో 228 కిలోల బంగారం అదృశ్యం’
ముంబై: ఉత్తరాఖండ్లోని కేదార్నాథ్ దేవాలయంలో 228 కిలోల బంగారం అదృశ్యమైందని జ్యోతిర్మఠం శంకరాచార్య స్వామి అవిముక్తేశ్వరానంద ఆరోపించారు. ఇక్కడ కుంభకోణం చేసి, ఢిల్లీలో మరో కేదార్నాథ్ను నిర్మిస్తారా? అక్కడ మరో కుంభకోణానికి పాల్పడతారా? అని ప్రశ్నించారు. ఈ కుంభకోణంపై దర్యాప్తు జరగడం లేదని, దీనికి ఎవరు బాధ్యత వహిస్తారని నిలదీశారు. ఢిల్లీలో కేదార్నాథ్ నిర్మిం చడం జరిగే పని కాదన్నారు.