Anant Weds Radhika | రిలయన్స్ ఇండస్ట్రీస్ అధినేత ముకేశ్ అంబానీ (Mukesh Ambani) చిన్న కుమారుడు అనంత్ అంబానీ (Anant Ambani) – రాధికా మర్చంట్ (Radhika Merchant) వివాహం ప్రస్తుతం టాక్ఆఫ్ది ఇండస్ట్రీగా నిలుస్తోంది. వీరి వివాహం జులై 12న జరగనున్న విషయం తెలిసిందే. దీంతో ఇప్పటికే ఆ ఇంట పెళ్లి హడావుడి మొదలైపోయింది. ఇక గత ఐదు నెలలుగా ప్రీ వెడ్డింగ్ సెలబ్రేషన్స్ జరుగుతూనే ఉన్నాయి. ఇప్పుడు పెళ్లికి పది రోజులే సమయం ఉండటంతో అంబానీ కుటుంబం మరో కీలక నిర్ణయం తీసుకుంది.
నిరుపేద ప్రజల కోసం సామూహిక వివాహాలను (mass wedding) నిర్వహించనున్నట్లు ప్రకటించారు. అనంత్ – రాధిక ప్రీ వెడ్డింగ్ వేడుకల్లో భాగంగా జులై 2వ తేదీన సాయంత్రం 4:30 గంటలకు ఈ వేడుకలను నిర్వహించనున్నట్లు తెలిపింది. మహారాష్ట్ర (maharashtra)లోని పాల్ఘర్ (Palghar)లో గల స్వామి వివేకానంద విద్యా మందిర్లో ఈ కార్యక్రమాన్ని ఏర్పాటు చేసినట్లు ప్రకటించింది. ఈ వేడుకలకు సంబంధించిన ఓ కార్డ్ కూడా సోషల్ మీడియాలో వైరల్ అవుతోంది.
As part of the pre-wedding celebrations of Anant Ambani and Radhika Merchant, a mass wedding of the underprivileged has been organised at 4:30 pm on 2nd July, at Swami Vivekanand Vidyamandir in Palghar. pic.twitter.com/tRu1h5Em6g
— ANI (@ANI) June 29, 2024
ముకేశ్ అంబానీ-నీతా అంబానీల చిన్న కుమారుడు అనంత్ అంబానీ, రాధికా మర్చంట్ వివాహం జూలై 12న జరుగనున్న విషయం తెలిసిందే. ముంబై నడిబొడ్డున ఉన్న బాంద్రా కుర్లా కాంప్లెక్స్లో ‘జియో వరల్డ్ ప్లాజా’ వీరి వివాహం అంగరంగ వైభవంగా జరిపించేందుకు ఏర్పాట్లు చేస్తున్నారు. ఈ వివాహ తంతు జులై 12న (శుక్రవారం) మొదలై.. జులై 14న (ఆదివారం) మంగళ ఉత్సవ్ (రిసెప్షన్)తో ముగియనుంది. ఈ వేడుకకు పలువురు బాలీవుడ్, టాలీవుడ్, హాలీవుడ్ తారలు సహా ప్రముఖ పారిశ్రామిక వేత్తలు, అంతర్జాతీయ ప్రముఖులు, రాజకీయ నాయకులు హాజరుకానున్నట్లు తెలుస్తోంది.
ఇప్పటికే అంబానీ ఫ్యామిలీ రెండు ప్రీ వెడ్డింగ్ వేడుకలను ఎంతో ఘనంగా జరిపించిన విషయం తెలిసిందే. ఈ ఏడాది మార్చిలో వీరి తొలి ప్రీ వెడ్డింగ్ సెలబ్రేషన్స్ జరిగాయి. గుజరాత్ జామ్ నగర్లో జరిగిన ఈ వేడుకలకు దేశ, అంతర్జాతీయ ప్రముఖులు హాజరై సందడి చేశారు. ఆ తర్వాత రెండోసారి ప్రీవెడ్డింగ్ వేడుకలను కూడా నిర్వహించారు. మే 29వ తేదీన ఇటలీ (Italy)లో మొదలైన వేడుకలు జూన్ 1న స్విట్జర్లాండ్ (Switzerland)లో ముగిశాయి. మూడు రోజులపాటు జరిగిన ఈ వేడుకలు మొత్తం భారీ క్రూయిజ్ షిప్లోనే కొనసాగాయి. ఈ వేడుకలకు ప్రపంచ వ్యాప్తంగా ఉన్న ప్రముఖులతోపాటు బాలీవుడ్లోని పెద్ద స్టార్స్ కూడా పాల్గొన్నట్లు తెలుస్తోంది.
Also Read..
Delhi Rain | నేడు, రేపు ఢిల్లీలో భారీ నుంచి అతి భారీ వర్షాలు పడే అవకాశం : ఐఎండీ
Amarnath Yatra: బల్తాల్ రూట్లో వెళ్తున్న అమర్నాథ్ యాత్రికులు.. వీడియో
CV Ananda Bose: మమతా బెనర్జీపై పరువునష్టం కేసు వేసిన గవర్నర్ ఆనంద్ బోస్